Sunday, February 9, 2014

Hugmynd að árshátíðarförðun #1

Ég hafði hugsað mér að setja inn nokkrar hugmyndir að förðun fyrir t.d. árshátíðir þar sem þetta er jú sá tími ársins. Ég ætla að hafa eitthvað fyrir alla, dökkt, ljóst, litríkt, auðvelt og flóknara. Hér er ein hugmynd með grænum, bláum og brúnum tónum og fallega bleikum vörum.

Ég notaði fjóra augnskugga til verksins:

Grænn frá NYX. Smá glimmer í honum

NYX palletta með bláum litum

Mac Club. Ótrúlega skemmtilegur litur sem er á mili þess að vera grænn og brúnn. Fer eftir sjónarhorni.

Inglot glimmer sem er eiginlega eins og glimmer útgáfa af Club hér fyrir ofan

Hér kemur svo förðunin skref fyrir skref

1. Byrja með hreint andlit og ber á mig rakakrem

2. Notaði Mac Face and Body í N20 og Collection 2000 hyljara. Svo E.L.F. Brow kittið í litnum Ash

 3. Setti græna NYX augnskuggann yfir allt augnlokið

 4. Notaði svo blágræna litinn lengst til vinstri í NYX pallettunni yfir þennan græna

 5. Setti club meðfram augnhárunum á utanvert augað og aðeins upp að augnbeininu og undir augun. Notaði svo Mac 217 bursta til að blanda.

 6. Svartur eyeliner í vatnslínuna og grænn Make Up Store eyeliner við neðri augnhárin

7. Bætti svo aðeins af græna augnskugganum aftur ofaná augnlokið aðallega á innri hluta augnloksins og skellti Inglot glimmeri yfir allt saman.

Voilá!




Græni liturinn undir augunum er skemmtileg tilbreyting og mér finnst hann gera mjög mikið fyrir heildarlúkkið. Ég á nóg af lituðum eyelinerunum og þarf greinilega að vera duglegri að nota þá. Ætla að reyna að koma með aðra hugmynd eða jafnvel tvær fyrir næstu helgi :)

Þessa förðun má að sjálfsögðu gera aðeins dramatískari/dekkri með því að nota meira af club til að skyggja og jafnvel svartan/brúnan augnskugga í crease línuna til þess að skerpa. Ég ætlaði líka að setja gerviaugnhár en svo fannst mér það ekki endilega þurfa. Kannski fallegra að hafa bara nokkur stök augnhár í ytra hornið. Svo væri mjög fallegt að bæta við eyeliner, en mér finnst skemmtileg tilbreyting að hafa ekki eyeliner þar sem ég nota hann eiginlega alltaf þegar ég fer eitthvað fínt.

Vona að þið hafið átt góða helgi!
-Kara


Saturday, February 8, 2014

Trend: appelsínugulur varalitur

Lisa Eldridge, förðunarfræðingur, setti inn myndband fyrr í vikunni þar sem hún talaði um eitt af helstu trendum fyrir vor/sumar förðunina en það er appelsínugulur varalitur. Hér getið þið séð myndbandið. Á þessum fallega, sólríka degi er tilvalið að draga fram svona sumarlega liti og því leitaði ég í safninu mínu og fann þrjá varaliti sem ég mun hafa uppi við með hækkandi sól. Þeir eru allir mjög ódýrir og góðir.


Þessi er úr Body Shop og er nr. 66. Maður þarf að fara nokkrar umferðir til að ná litnum eins sterkum og á myndinni. Hann er ótrúlega mjúkur og áferðin glansandi og falleg. Þessi er tilvalinn fyrir þá sem vilja ekki vera með alltof áberandi appelsínugulan lit en samt prófa sig áfram með þetta fína trend.


Þessi er úr Apocalips línunni frá Rimmel en það eru ótrúlega litsterkir varalitir/gloss. Þetta er liturinn Luna. Fæst t.d. á asos.com


Þessi er eiginlega alveg neon appelsínugulur, ég fékk hann með Sleek sendingu fyrir svolitlu síðan og hef hreinlega ekki þorað að nota hann því mér fannst hann svo áberandi. Hann heitir Tangerine Scream. Núna finnst mér hann samt mjög flottur og kem örugglega til með að nota hann í sumar. Væri líka flott að blanda honum saman við  einhvern rauðan til að gera hann aðeins minna áberandi eða minna appelsínugulan.

Góða helgi þið öll! 

-Kara





Monday, February 3, 2014

Mjúk og hrein húð

Heilbrigð húð er undirstaða fyrir fallega förðun. Ég hef aldrei verið með slæma húð en það kom fyrir að ég fengi bólur. Núna held ég að ég hafi fengið kannski 2 bólur á heilu ári þar sem ég hef verið dugleg að þrífa húðina, skrúbba og passa að ég sofni ekki með málninguna á mér. Á veturna nota margir brúnkukrem og alveg eins og með förðun þá er mikilvægt til að fá sem fallegasta áferð að skrúbba eða þurrbursta húðina reglulega og nota rakakrem. Þannig helst liturinn lengur fallegur.

Hér er það sem ég nota til að halda húðinni hreinni, mjúkri og vel nærðri:

Í sturtunni skrúbba ég mig hátt og lágt með þessu

Skrúbbhanski frá Body Shop og Mönduolíu sturtusápa úr L'occitane. Gerir húðina siiiilkimjúka. Með því að skrúbba losum við húðina við dauðar húðfrumur og hún verður mýkri og fallegri.


Nip+Fab kornaskrúbbur kemur þar á eftir. Fínt að hafa hann líka í sturtunni svo maður muni eftir honum


Benefit rakakrem sem var að klárast. Mikil sorg í mínu hjarta. Verð að fjárfesta í nýju svona!


Augnkrem í stíl

Ef ég nenni að setja á mig body lotion verður eitt af þessum fyrir valinu:

Gamla góða

Lyktin..óóóó lyktin!

Þetta er svona gradual tan krem..en ég nenni sjaldnast að bera það á mig oftar en einu sinni svo að ég hef ekki fengið að sjá þessa brúnku mjög oft. Samt sem áður svínvirkar þetta ef maður nennir því

Svo má ekki gleyma fótunum, en það er hægt að fá svona fína gel sokka í apótekum (reyndar græna) en innan í þeim er mýkjandi gel sem gerir mikið fyrir ekki fínar tær. Mér finnst gott að sofa í þeim af og til og vakna með fínar tær (sú ánægja hefur reyndar ekki enst mjög lengi eeeeen totally worth it í smá stund)



Mæli hiklaust með öllum þessum vörum. Sérstaklega bodylotioninu frá & Other Stories, lyktin er ólýsanlega fersk og góð. Ætlaði að hafa þetta svona sumar-bodylotion en ég gat bara ekki hætt..

-Kara 

Sunday, February 2, 2014

Mín go-to kvöldförðun

Þegar ég er búin að vera með málningu á mér allan daginn og er svo að fara út um kvöldið nenni ég sjaldnast að þrífa það af og setja á mig nýtt andlit. Þess vegna enda ég yfirleitt á þessu lúkki: 




Þykkur eyeliner með spíss og bleikur varalitur. Einfaldara getur það ekki gerst og getur ekki klikkað!
Afsakið mynd(ó)gæðin


Sunday, January 26, 2014

Dökkar varir

Sunnudagar eru svo erfiðir. Samkeppnin á milli Friends og Orthopedic Physical Assessment bókarinnar (sem er þykkari en símaskráin) ætti að vera æsispennandi og hnífjöfn en svo er ekki...Friends sigra með yfirburðum. Svo tók ég mér smá pásu til að setja á mig varalit. Mjög nauðsynlegt. Liturinn heitir Cyber og er frá Mac. Hann er nokkurs konar blanda af fjólubláum og svörtum og fjólublái liturinn finnst mér alltaf ýta undir græna augnlitinn, jafnvel þó hann sé ekki á augunum.



Nú skal ég komast í gegnum nokkrar blaðsíður! Miklu skemmtilegra að lesa með varalit

-Kara