Monday, May 13, 2013

Makeup helgarinnar

Gleðilegan mánudag kæra fólk! Vona að þið hafið átt góða helgi :)
Helgin mín var rosa fín og ég hafði svo sannarlega tilefni til að gera mig fína - fór í afmæli á föstudaginn og próflokapartý/afmæli á laugardaginn, þó ég sé ekki búin í prófum ennþá.

Á föstudaginn reyndi ég að herma eftir henni Lindu minni Hallberg og gerði mitt besta til að endurskapa þetta lúkk hér:


Ég notaði reyndar aðeins dekkri brúnan ofan á augnlokin og ekki alveg eins þykka línu undir...EN svona var útkoman:




Ég var ágætlega ánægð með útkomuna 

Vörurnar sem ég notaði á augun voru:
Mac Brun
NYX ultra pearl mania í einhverjum fallegum brúnum lit
NYX blátt augnskuggatríó
Mac blacktrack eyeliner
Maybelline The Rocket maskari

Á varirnar: 
Mac staunchly stylish varablýantur
Mac Innocence Beware varalitur

Á húðina:
Mac Face and Body foundation
Mac Studio Fix Powder
MUS cover all mix
MUS wonder powder Sahara
Body Shop kinnalit sem er svo gamall að nafnið sést ekki lengur

NYX vörurnar fást í Bæjarlind 14-16 Kópavogi. Ég hef aaaaldrei farið tómhent út úr þessari búð. Útsöluhornið er snilld. Augnskuggarnir eru líka snilld og glossin eru snilld! Allskonar snilld bara..mæli með að þið tékkið á þessu.

------------------------------------------------------

Eins og ég hef svo minnst á áður þá á ég það til að vera svo lengi að mála mig að hárið verður útundan. Þar varð þó breyting á á laugardaginn þar sem ég gerði heiðarlega tilraun til að krulla á mér hárið. Fyrstu krullurnar voru svo fáránlegar að ég reyndi að slétta þær úr. Þá urðu þær bara svona ljómandi fínar!

Hér er útkoman:



Svo keypti ég mér ótrúlega fínt naglalakk úr Bond línunni frá OPI. Þetta heitir Honey Rider og er með liquid sand áferð sem sést ekki alveg nógu vel á myndinni en er ó svo rosalega fallegt!


Maekup kvöldsins var svo í einfaldari kantinum eins og sést á þessari mynd:


Á augun notaði ég Mac Phloof og Brun, Blakctrack eyeliner og Russian Red varalit :)



---------------------------------------------------------------------

Eigiði góðan rigningardag kæra fólk! 

-Kara:)



Thursday, May 9, 2013

Litrík förðun fyrir sumarið

Ef þið vitið ekki hver Linda Hallberg er - þá eruð þið in for a treat! Hún er sænskur makeup artist sem mér finnst alveg bera af þegar kemur að förðunarbloggsíðum. Hún setur inn ný look nánast daglega og alltaf jafn gaman að skoða þau. Ég hef svona reynt að leika eitthvað af þeim eftir-með misjöfnum árangri þó..

Hún er óhrædd við að leika sér með liti og þar sem sólin er búin að vera svo indæl að skína á okkur síðustu tvo daga, þá finnst mér tilvalið að sýna ykkur nokkrar sumarlegar og litríkar förðunarhugmyndir í boði hinnar sænsku Lindu :)

Líka gaman að taka það fram að hún notar nánast bara vörur frá Make Up Store





















Vona að þið eigið góðan dag í sólinni!

-Kara

Monday, May 6, 2013

Nokkrir punktar um mataræði og líkamsrækt - Part 2


Ég afsaka fyrirfram hvað þetta er langt blogg - það er samt ekkert bull, ég lofa!

-Settu þér MARKMIÐ. Skrifaðu þau niður og skrifaðu niður HVERNIG þú ætlar að ná þeim, HVENÆR og hvaða HINDRANIR gætu verið á leiðinni. Hugsaðu svo hvernig þú getur komist yfir þær hindranir. Hugsaðu líka um HVER gæti hjálpað þér að ná þeim. Það er nánast ómögulegt að breyta um lífsstíl án stuðnings frá sínum nánustu.


-Finnst þér leiðinlegt í spinning eða að hamast á hlaupabretti eins og hamstur? Farðu þá í hóptíma, crossfit, tabata, zumba eða farðu út að hlaupa í náttúrunni og ferska loftinu
-Þú þarft ekki að eiga líkamsræktarkort til að koma þér í form. Æfingar með eigin þyngd heima í stofu eða úti í garði geta gert alveg sama gagn. Farðu út að ganga, hlaupa, hjóla eða synda. Nike Training Club appið er líka snilllld!


-Ekki eyða öllum deginum á pinterest í leit að motivational myndum – ef hvatningin kemur ekki frá þér sjálfum/sjálfri er ólíklegt að þú finnir hann á netinu!



-Þú þarft ekki að fara í mælingu til einkaþjálfara til að sjá stöðuna. Taktu reglulega myndir og ummálsmælingu til að sjá árangur erfiðisins. Það er ekkert eins hvetjandi og að sjá árangurinn svart á hvítu! Ég setti saman um daginn nýja mynd af mér og mynd síðan í ágúst og fékk sjokk. Mjög glöð að ég tók "fyrir" myndina. Svoleiðis ætla ég ekki að verða aftur. Tek svo nýja í desember og sé vonandi ennþá meiri árangur :) 


-Þú græðir mun meira á því að taka stutta og erfiða æfingu heldur en eins og hálfs klukkutíma dútl á skíðavélinni. Ef þú ert ennþá sæt eftir æfinguna – þá varstu líklegast ekki að taka mjög vel á. Það er í góðu lagi að afskræmast aðeins í framan í síðustu 2-3 repsunum!


-Ekki vera hrædd við að lyfta lóðum. Ef þú ert ekki viss hvernig á að gera einhverja æfingu, leitaðu þá upplýsinga hjá þjálfara eða á netinu (t.d. bodybuilding.com eða pulsthjalfun.is). Ekki heldur afsaka þig með því að þú þorir ekki að lyfta innan um alla sterakögglana..þeir eru ekki að horfa á þig – þeir eru að horfa á sig í speglinum! Vöðvar nota líka meiri orku heldur en fita og þess vegna er grunnbrennslan hærri hjá þeim sem hafa meiri vöðvamassa.


-Vöðvar eru þyngri en fita. Ef þú ert að borða 100% og æfa 100% en vigtin haggast ekki ertu líklegast bara að bæta á þig vöðvum.



-Fáðu þér æfingafélaga og ákveðið tíma sem þið mætið í ræktina. Það er erfðiðara að beila á einhverju þegar það bitnar á öðrum. Ég reyndar æfi best ein því ég tala svo mikið að ef ég fer með einhverjum í ræktina kem ég engu í verk...en það er annað mál!


-Sættu þig við að það tekur TÍMA að léttast. Þú bættir ekki á þig kílóunum á einum degi – þau fara ekki af á einum degi. Taku einn dag í einu og klappaðu þér á öxlinga þegar vel gengur
-ÞÚ verður að hafa trú á ÞÉR og því sem þú ert að gera. Ef allar hugsanirnar sem fara í gegnum hugann eru neikvæðar, þá er árangurinn eftir því. Hugsum jákvætt og verum glöð vei! :) Þá er allt svo miklu skemmtilegra og auðveldara!


-ÞÚ verður að hafa trú á ÞÉR og því sem þú ert að gera. Ef allar hugsanirnar sem fara í gegnum hugann eru neikvæðar, þá er árangurinn eftir því. Hugsum jákvætt og verum glöð! :) Þá er allt svo miklu skemmtilegra og auðveldara!


Ef þú last þetta allt - takk fyrir það - vona að þetta verði einhverjum hvatning :)

Munum svo bara eftir GÆSinni - ég GET ég ÆTLA ég SKAL!






-Kara :)





Saturday, May 4, 2013

Nokkrir punktar um mataræði og líkamsrækt - Part 1


Undanfarið ár hef ég verið að reyna að léttast og komast í betra form eftir að hafa tekið tímabil þar sem ég passaði ekki í neinar buxur og borðaði og djammaði alllltof mikið. 
Hérna er nokkur atriði til að hafa í huga fyrir betra form, útlit og líðan! Engin geimvísindi svosem en hefur hjálpað mér mjög mikið :)
Ætla að hafa þetta blogg í tveimur hlutum þar sem að listinn minn varð óvart of langur til að koma fyrir í einni færslu - allavega of langur til að einhver hefði nennt að lesa 


Mataræði

-Hugsa áður en maður borðar – hugsaðu hvernig þér leið síðast þegar þú slátraðir heilum nammipoka áður en þú kaupir þér annan. Maturinn hoppar ekki ósjálfrátt upp í munninn á þér – þú stjórnar matnum sem fer upp í þig.

-Hugsaðu um hvernig/hvort það sem þú borðar mun nýtast líkamanum. Er mikið af næringarefnum sem nýtast t.d. í uppbygingu eða er þetta eitthvað sem líkaminn mun eiga fullt í fangi með að losa sig við sem fyrst?

-Taktu þér nammidag. Þá er ég ekki að tala um kókópöffs í morgunmat, nammilandspoka í hádeginu, hamborgara og fröllur í kvöldmat og ís í eftirmat og bjór um kvöldið. Veldu frekar eitthvað eitt sem þig langar í og njóttu þess! Ef þú færð þér “óvart” eitthvað óhollt á degi sem átti ekki að vera nammidagur – ekki halda að dagurinn sé ónýtur og sukka svo allan daginn. Ef þú missir símann þinn í gólfið þá hendirðu honum ekki aftur í jörðina og trampar ofan á honum...

-Ekki láta eins og hollur matur sé alltaf vondur og leiðinlegur. Finnst þér sellerý vont? Skelltu á það smá hnetusmjöri. Finnst þér túnfiskur vondur? Skelltu smá kotasælu, gúrku og papriku með, jafnvel pestó. Ekki halda að eina leiðin sé að borða þurrar kjúklingabringur og hýðishrísgrjón!

-Borðaðu reglulega, án þess þó að vera sínartandi. Láttu ekki meira en 3-4 tíma líða milli máltíða. Þú átt aldrei að þurfa að vera svöng/svangur. Ef það gerist – borðaðu þá. Mikilvægt að hlusta á líkamann!

-Drekktu VATN! Við innbyrðum svo margar aukakaloríur í allskonar drykkjum yfir daginn. Það er svo auðvelt að skera þær niður með því að drekka bara vatn með matnum.


-Betra að drekka “hreint” áfengi eins og vodka blandað í t.d. sódavatn með sítrónu heldur en sykraða drykki og bjór á djamminu. Þó það sé auðvitað best að halda djammi í lágmarki sérstaklega. Hvet ykkur til að googla kaloríur í alkóhóli..mun fleiri en maður gerir sér grein fyrir!

-Verðlaunaðu þig fyrir góðan árangur! Ekki með hamborgara og stórum bragðaref samt, kauptu þér frekar eitthvað fallegt sem þig langar í.





Eins og ég sagði þá eru þetta engin geimvísindi en gott að minna sig á þetta reglulega :)
Ef þið viljið fá daglega hvatningu þá mæli ég með að fylgjast með Röggu Nagla á facebook - meiri snililngurinn sem þessi kona er!


Hafið það gott um helgina! 





Wednesday, May 1, 2013

Mac Rebel

Uppáhaldsvaraliturinn minn er Rebel frá Mac. Hann var búinn að vera á óskalistanum mjög lengi en var alltaf uppseldur. Svo kom hann loksins aftur og ég brunaði í Kringluna og keypti mér hann og varð sko ekki fyrir vonbrigðum.
Hann er svona fjólubleikur á litinn og mér finnst hann meira svona haust/vetrar varalitur en er svo búin að prófa mig aðeins áfram og fann 3 mismunandi leiðir til að nota hann :)



Svona lítur hann út


Ég biðst afsökunar á myndgæðunum - er alls ekki orðin nógu góð í að taka sjálfsmyndir á myndavélina mína og kann alls ekki að láta einhvern taka myndir af mér einni - finnst það alltaf eitthvað vandræðalegt. Finn eitthvað útúr þessu vonandi..
afsakið líka myndasvipinn minn - ég kann engan annan

Hér er ég með eina umferð af Rebel - setti mjög lítið og nuddaði vörunum saman. Þá verður hann svona fallega bleikur.


Hér er ég með nokkrar umferðir í viðbót og þá verður hann miklu dekkri og meira svona dökkvínrauðfjólublár - kann ekki alveg að lýsa þessum lit..mjög fallegur allavega!


Svo ef maður er kannski að fá sér smá gott að drekka og vill ekki klína varalit á glasið - þá er mjög sniðugt að þurrka varalitinn af, því það er mjög sterkur litur í honum og bleiki liturinn situr eftir vörunum eftir að maður þurrkar hann af. Skella svo smá glossi yfir og voilá! Skærbleikur varalitur sem klínist ekki í neitt :)


Svo er auðvitað hægt að breyta honum með því að nota mismunandi varablýant undir. Ég hef prófað að setja skærbleikan varablýant undir og það kom mjög vel út. Mig langar líka að verða mér útum svona blackberry litaðan varablýant til að hafa undir, þannig að ef þið vitið um góðan svoleiðis blýant megið þið endilega láta mig vita:)

xx
Kara