Thursday, December 12, 2013
Saturday, December 7, 2013
Öðruvísi jóladagatal
Held það sé kominn tími til að deila með ykkur hvað hefur leynst á bakvið fyrstu 7 gluggana í fallegasta jóladagatali sem ég hef átt! Nefnilega Benefit jóladagatalinu. Það er, ólíkt öðrum jóladagatölum sem ég hef átt, ekki fitandi, heldur inniheldur það 24 litla snyrtivöruglaðninga frá Benefit. Reyndar bara 21 því mér til lítillar gleði fékk ég hárspennu í gær..voða sæta spennu reyndar en mig langaði meira í snyrtivörur. Veit svo að það er eitt afar óspennandi armband og líka óspennandi hálsmen sem bíður mín. En fyrir utan það þá er þetta dagatal allra peninganna (!) virði, því þó þetta séu mini-útgáfur af öllum vörunum notar maður svo lítið í einu af hverju að það ætti að endast manni í dágóðan tíma. Auk þess er þetta sniðug leið til að prófa vörur frá merkinu og þá getur maður splæst í alvöru stærð ef manni líst vel á eitthvað af þessu fína dóti :)
Svona lítur gripurinn út
-------------------------------------------------------
Fyrstu 7 gluggarnir
Í fyrsta glugganum var kinnalitur sem mig hafði dauðlangað að prófa mjög lengi. Hann heitir Coralista og er, eins og nafnið gefur til kynna, kóral-bleikur. Hann er með mjög fínum glitrandi ögnum, ekki of mikið glimmer en hæfilega mikið til að hann nái að þjóna tilgangi kinnalits og highlighter á sama tíma. Mun mjög líklega kaupa mér þennan í fullri stærð þegar þessi klárast.
Stay Don't Stray Primer - þetta er primer fyrir augnsvæðið, bæði fyrir hyljara og augnskugga. Hef ekki náð að prófa hann undir augnskugga en prófaði hann undir hyljara. Reyndar hef ég ekki átt í neinum vandræðum með að að hyljararnir mínir crease-i, svo ég hreinlega veit ekki hvort að hann hjálpaði til við að halda honum á sínum stað eða ekki. Hef þó fulla trú á honum og hlakka til að sjá hvernig hann stendur sig í að halda hátíðar-augnförðuninni á sínum stað :)
Þetta augnkrem er svoooo mjúkt og gott og ég finn að augnsvæðið mitt þurfti greinilega á þessu að halda. Hef bara átt eitt augnkrem og ekki notað það mikið, en held það sé kominn tími til að huga að þessu svæði og næra það vel þar sem húðin í kringum augun er sérstaklega viðkvæm og mikið af förðunarvörum hjálpar sennilega ekki til við að halda því í góðu standi. Mæli hiklaust með þessu kremi!
Neutral bleikt/coral gloss sem fer sérlega vel með dökku smokey. Látlaust og fínt og ekki skemmir lyktin fyrir!
Þetta er mjög áhugaverð og skemmtileg vara. Lítur svolítið út eins og gerviblóð og er með svona naglalakka-bursta. Þetta er fljótandi kinnalitur/vara-tint sem maður doppar á sig og dreifir svo úr. Minna er meira með þessa vöru - liturin er lúmskt sterkur og þornar fljótt svo ekki leyfa honum að þorna á húðinni áður en þið dreifið úr honum. Best að dreifa bara úr honum með fingrunum finnst mér. Endist heillengi á húðinni og gefur mjög fallegan lit í kinnarnar. Svo er líka mjög fallegt að nota þetta á varirnar. Fjölnota snilld!
Annað gloss, aðeins bleikara og aðeins sterkari litur. Myndi líka henta einstaklega vel með dökkri augnförðun eða bara hversdags. Lyktin er líka dásamlega góð.
Spennan, frekar sæt reyndar. Aldrei að vita nema ég noti hana einn daginn.
Er aðeins búin að stelast til að athuga hvað er inni í hinum gluggunum á netinu og veit að það er fullt af skemmtilegu sem bíður mín! Veit þó ekki í hvaða röð, svo að það er alltaf spennandi að vakna og kíkja í dagatalið - alveg eins og þegar ég var lítil. Þetta dagatal og kaffi er það sem gerir prófatímabilið bærilegt í ár :)
Monday, December 2, 2013
Vetrarvaralitir
Hér eru 6 uppáhalds rauðu/dökku varalitirnir mínir. Myndirnar gera mismuninum á þessum 3 rauðu ekki alveg nógu góð skil, en þeir eru mjög ólíkir samt sem áður, hvort sem þið trúið mér eða ekki
Maybelline - 540 Hollywood Red
Mildur rauður litur sem passar við allt og fer öllum. Lyktar eins og play-doh leir..ahhh minningar
-------------------------------------------------------------
Maybelline - 527 Lady Red
Ekta glansandi skær-rauður varalitur. Fullkominn t.d. fyrir klassíska eyeliner+rauðar varir comboið
---------------------------------------------------------------------
Mac - Russian Red
Hinn eini sanni. Mattur, eldrauður og helst á allan daginn/kvöldið. Gerir það sem nánast enginn annar rauður varalitur gerir..gerir tennurnar EKKI gular (!!) heldur bara hvítar og fínar! Mamma mín spurði mig hvort mér fyndist hann ekki "of rauður"...en ég svaraði að það væri ekki til neitt sem heitir of rauður varalitur. Þessi er í algjöru uppáhaldi.
---------------------------------------------------------------
Mac - Rebel
Sennilega einn vinsælasti Mac varaliturinn og mjög oft uppseldur hér á landi. Er mun meira fjólublár/bleikur heldur en sést á myndinni, en í eldri færslu (hér) sýndi ég 3 mismunandi leiðir til að nota Rebel.
--------------------------------------------------------
NYX - Violet Ray
Þessi hefur mjög sérstaka áferð, ótrúlega mjúkur svo ég bjóst ekki við að hann entist mjög lengi á vörunum en hann entist í svona 4 klukkutíma án þess að ég þyrfti að laga hann til (var meira að segja með drykk við höndina megnið af tímanum)
-------------------------------------------------------------------
Mac - Cyber
Sá nýjasti í safninu og sá dekksti sem ég hef þorað að nota. Mamma yrði sennilega ekki heldur hrifin af þessum - en mér finnst hann ótrúlega flottur og hvet ykkur til að prófa ykkur áfram með svona dökka liti, mér finnst allt klæða mann ef maður ákveður að það klæði mann!
----------------------------------------------------------------------------------------
Svo er mjög gott þegar maður er með svona áberandi varaliti að setja einn fingur hálfpartinn upp í sig aðeins inn fyrir varirnar og loka munninum varlega til að ná litnum sem sest of innarlega og mun annars enda á tönnunum stuttu seinna..afar óheillandi.
Wednesday, November 27, 2013
Nude varalitir
Fór í gegnum varalitina mína í dag og fann til nokkra "nude" varaliti sem passa vel við smokey augnförðun vetrarins og hátíðanna sem eru framundan. Ætla svo að reyna að setja inn eitthvað af sýnikennslumyndum/myndböndum á næstunni ef ég skyldi taka mér pásu öðru hvoru :)
Elf (Eyes Lips Face) - Runway Pink
Mattur fölbleikur - ótrúlega góður miðað við verð!
------------------------------------------------------------------
Lovelorn - Mac
Sá nýjasti í safninu - ekki beint nude en samt svona "hversdags ekki of öskrandi bleikur" . Takk Bryndís!
-------------------------------------------------------------------
Choco cream 715 - Maybelline
Fullkomin nude varalitur.
-----------------------------------------------------------------
Syrup - Mac
Besti "your lips but better" litur sem ég hef fundið hingað til
-----------------------------------------------------------------
Innocence, beware! - Mac
Þessi er ótrúlega fallegur sérstaklega með nude varablýanti undir. Var í einhverri limited edition línu frá Mac sem ég man því miður ekki hvað heitir.
------------------------------------------------------------------
113 - Kate Moss fyrir Rimmel
Myndin sýnir litinn ekki alveg nógu vel - hann er eiginlega alveg húðlitaður. Mjög fallegur undir gloss, sérstaklega Beige frá NYX
------------------------------------------------------
Ef ykkur vantar hinn fullkomna nude varalit myndi ég hiklaust skella mér á Choco Cream frá Maybelline. Ódýr og einn besti nude varalitur sem ég hef prófað!
-kara :)
Wednesday, November 20, 2013
Uppáhalds hornið heima
Núna síðan við fluttum hef ég verið að dunda mér við að raða og breyta og bæta í uppáhalds horninu mínu í íbúðinni. Ótrúlega fallegar hillur sem hægt er að setja saman á mismunandi hátt, snúa við og draga út. Ég er búin að raða allskonar dóti í þær og er frekar ánægð með útkomuna þó það vanti ennþá í eina hillu.
Marc Jacobs og Michael Jackson
Ballettstytta sem mér þykir ótrúlega vænt um ásamt sviðs-myndum
Skemmtilegasta bók í heimi
MJ <3 MJ
Minningar úr Kúbuferðinni
Myndaalbúm
Skólablöð úr MR og Verzló, meira iittala, afmæliskort frá góðum vinkonum og fallegu snjókornakertastjakarnir - set meira inn um þá seinna :)
Fallegi píanóbekkurinn
Gamalt píanó sem ég kann því miður ekki að spila á
Kontrabassinn flottur við vegginn
Fleiri Verzló bækur
Bækur og bækur
Enn á eftir að fylla upp í neðstu hilluna vinstra megin en í þessari hægra megin er bók um Vladimir Malkhov dansara og Sykur plata
Subscribe to:
Posts (Atom)
















































