Sunday, June 2, 2013

Ódýrar (en góðar) snyrtivörur

Ég datt aaalveg óvart inná síðuna hjá Sleek Makeup og slefaði yfir lyklaborðið yfir úrvalinu á augnskuggapallettum á hlægilegu verði. Ég fór svo á Youtube og Google og skoðaði dóma um augnskuggana hjá þeim og svo virðist sem þetta séu bara fínustu vörur - sem er oft ekki raunin með svona ódýra augnskugga. Ég setti nokkrar vel valdar vörur í körfuna og ætla að panta fljótlega. Hlakka til að sýna ykkur allt sem ég keypti!

Hlakka líka til að prófa varalitina og kinnalitina og contour kittið og augabrúna kittið!

Hvet ykkur til að skoða úrvalið - hugsa að fáir komi tómhentir úr þessari net-verslunarferð!

MUA Makeup Academy er önnur síða með virkilega ódýrum vörum og ég heyrði fyrst um hana bara í vikunni. Ég ætla reyndar ekki að panta neitt frá þeim í þetta skiptið en aldrei að vita nema ég prófi það einn daginn.

ELF er annað ódýrt merki sem hægt er að fá á Íslandi reyndar. Á síðunni þeirra er mikið úrval en líka hægt að skoða í búðinni Shop Couture í Síðumúla 34. Ég er alls ekki hrifin af öllum vörunum þeirra en margt mjög fínt þar! Ég er t.d. mjög ánægð með varalit sem ég keypti þar og mineral augnskugga primer. Ekki eins ánægð með 100 augnskugga pallettuna þar sem litirnir hverfa um leið og maður reynir að blanda þá aðeins. Hef þó séð makeup-artista eins og Lisa Eldridge, sem er í miklu uppáhaldi hjá mér, nota svona pallettu frá þeim í sýnikennslu videoi. Ég þarf kannski bara að prófa fleiri liti úr pallettunni :)
Þar eru líka burstar sem eru mjög ódýrir. Ég nota mikið crease burstann og er mjög ánægð með hann.
Endilega kíkið á úrvalið hjá þeim!


-----------------------------------------------------------------------------

Vona að einhverjir fátækir námsmenn eins og ég nýti sér þessar síður! :)

-Kara



Wednesday, May 29, 2013

Náttúruleg förðun - skref fyrir skref

Fékk litlu systur lánaða til að gera ótrúlega einfalda náttúrulega förðun og tók mynd af hverju skrefi fyrir sig :) Læt myndirnar bara tala:


Hér er hún ómáluð og fre$h!


Byrjaði að gera hana smá gula með því að nota gula litinn í Cover all mix frá Make Up Store á allan roða í andlitinu.


Skellti svo Face and Body foundation yfir það


Svo fyllti ég aðeins upp í augabrúnirnar og setti mattan ljósbrúnan augnskugga í crease-línuna og ytri horn augnlokanna - notaði 217 bursta frá mac bæði til að setja augnskuggann á og blanda í leiðinni


Setti svo smá ljósan sanseraðan augnskugga bara á mitt augnlokið


Hér er ég búin að setja svartan eyeliner í efri vatnslínuna í auganu bara hægra megin - sjáið greinilega hvað það gefur mikla fyllingu í augnhárin. Enginn maskari þarna


Setti svo smá sólarpúður og kinnalit og blandaði vel við farðann svo engin skörp skil sæjust. Setti pínu Syrup varalit frá Mac og lét hana nudda honum vel inn í varirnar með fingrunum til að fá náttúrulegri áferð. Þá var hún bara tilbúin! :)





Svona er hún sæt hún systir mín :)

--------------------------------------------------------------------

Auðveldast í heimi! 
-Kara**

Tuesday, May 28, 2013

Vörur sem ég nota daglega

Húðin er stærsta líffærið okkar og mikilvægt er að hugsa vel um hana. Það sem við setjum ofan í okkur skiptir ekki síður máli en það sem við smyrjum á húðina sjálfa. Mikilvægt er að drekka nóg af vatni, halda sætindum í lágmarki og borða nóg af grænmeti, ávöxtum og hollri fitu (avocado, hnetur, feitur fiskur o.fl. í þeim dúr).

Á kvöldin áður en ég fer að sofa finnst mér best að nota hreinsivörur frá Gamla Apótekinu. Ég er tiltölulega nýbyrjuð að nota þær en þær eru það allra besta sem ég hef fundið hingað til! Á kvöldin nota ég farðahreinsinn sem ég fann reyndar ekki mynd af. Hann er frekar þykkur og nær af öllum farða. Ég nudda honum vel á húðina og hreinsa svo burt með volgu vatni og bómull. Svo set ég andlitsvatnið í bómull og strýk yfir húðina. Ég set engin krem eða neitt svoleiðis - leyfi húðinni bara að anda yfir nóttina.
Þegar ég vakna þvæ ég mér með ísköldu vatni og nota svo líka andlitsvatnið til að hreinsa húðina betur eftir nóttina. 

Ég hef notað Nivea Aqua Sensation í frekar langan tíma og það hefur reynst mér mjög vel. Nota bæði rakakremið og augnkremið daglega. Ódýrt og gott!


Einu sinni í viku nota ég svo kornaskrúbb frá Nivea á andlitið og nota hann þá eftir farðahreinsinn og á undan andlitsvatninu.

Næst ætla ég samt að prófa þetta rakakrem frá Clinique:



Ég á ennþá eftir að finna "mitt" ilmvatn - en þessa stundina nota ég til skiptis þessi tvö:


þetta nota ég meira hversdags

og þetta ef ég er að fara eitthvað fínt - nánast gefins og fæst í Zöru :) kom mér skemmtilega á óvart. Líka til í aðeins svona hlýlegri og blómalegri útgáfu - í svipuðum pakkningum nema rauðum.



Áður en ég fer í sturtu þurrbursta ég alla húðina með þurrbursta frá Body Shop. Sérstaklega gott á sumrin til að halda húðinni fallegri. Örvar blóðrásina og sogæðakerfið, fjarlægir dauðar húðfrumur og gerir húðina mjúka og fallega. Eftir sturtu nota ég svo bodylotion frá Nivea. 



Þarf að fjárfesta í svona litlum og meðfærilegum bursta..á bara svona risa eins og hérna fyrir neðan

Hann er samt fínn því maður nær líka aftan á bakið :)

Gott að þurrbursta húðina reglulega yfir sumarið - þá helst t.d. liturinn betur á okkur:)
En sjaldan er góð vísa of oft kveðin, sérstaklega þegar kemur að því að minna á sólarvörn! Sólin er oft sterkari en við gerum okkur grein fyrir hérna á litla Íslandi - gott að nota rakakrem með sólarvörn og muna eftir sólarvörn áður en við förum í sund svo við endum ekki eins og ég og Sara einn góðan sólardag hérna um árið:



Annars bara bíðum við og vonum að sólin fari að láta sjá sig!

-Kara











Friday, May 24, 2013

Hollar morgunverðarpönnsur

Þegar ég hef nægan tíma fyrir morgunmat finnst mér mjög gott að fá mér pönnukökur sem ég bjó óvart til einu sinni. Ég henti saman allskonar í skál og úr urðu þessar snilldar pönnukökur í hollari kantinum!

1 dl hafrar
2 egg (nota bara eggjahvítur eða 1 egg og 2 hvítur ef ég á þær til)
hálfur stappaður banani
kanill eftir smekk (mér finnst gott að hafa helllling af kanil)

Svo bara hræra eins og vindurinn og henda á pönnu. Nota ísskeið sem skammtara og þá koma út 4 pönnukökur. Ég set svo yfirleitt ost ofaná. Í uppskriftinni eru ca 300 kcal.


Ég hef verið að prófa mig áfram með allskonar pönnukökur og hér eru fleiri uppskriftir:

2 egg
stappaður banani

Hræra saman - á pönnu - upp í munn!

Svo einfaldar eru þessar :)

----------------------------------------------------------------

2 egg
2 msk kotasæla
smá hveitikím

Hræra - steikja

Þessar eru ný uppfinning hjá mér - mér fannst þær mjög góðar :)


líta meira að segja út eins og alvöru pönnukökur!


-----------------------------------------------------------------

Svo tvær aðeins matarmeiri og henta kannski betur sem hádegismatur

Hveitikímsklattar

1 1/2 dl hveitikím
1 msk vatn (það þarf furðulega lítið vatn í hveitikím - setjið frekar minna og bætið við)
salt
oregano/pizzukrydd/paprikukrydd...hvað sem ykkur dettur í hug

Steikja svo á pönnu. Ofaná finnst mér ótrúlega gott að setja kotasælu og sweet chilli sósu! Fáránlega gott combo það! Gott líka bara sem ídýfa fyrir grænmeti eða með fullt af brytjuðu grænmeti útí sem salat með mat.

----------------------------------------------------

Hveitikímsbrauð:

1 - 1/2 dl hveitikím
smá vatn
1 egg
1 tsk lyftiduft
paprikukrydd

Hræra saman og setja í brauðgrill (dreifa aðeins úr því). Grillað með t.d. skeið á milli svo grillið sé pínu opið og brauðið nái að lyfta sér.
Mér finnst gott að grilla þar til brauðið er alveg að verða tilbúið og setja þá ost og skinku/kjúklingaálegg, brjóta svo saman og grilla þannig.



Hveitikím er stútfullt af næringarefnum og ég nota það mikið í staðinn fyrir venjulegt brauð. Tekur enga stund að skella í svona brauð/klatta. Líka hægt að nota klattana sem pítsubotn. Það er ótrúlega gott!
Hveitikímið er samt ekki beint bragðgott, en allt annað þegar búið er að krydda það aðeins, með oregano, paprikukryddi eða hverju sem er :) Það tekur líka nokkrar tilraunir að fá rétta þykkt á deigið - getur verið mjög leiðinlegt að steikja ef það er of þurrt eða of blautt.



Verði ykkur að góðu! :)

-Kara



Wednesday, May 22, 2013

Förðunarborð

Eins og staðan er núna er allt snyrtidótið mitt í stóru boxi í skúffunni hjá mér. Mjög svo skipulögð óreiða. Er með eitt stórt allskonar hólf - eitt fyrir varaliti, eitt fyrir maskara o.s.frv. Mig langar svo roooosalega í almennilega aðstöðu fyrir sífellt stækkandi snyrtivörusafnið mitt. Ég rakst á síðu seim heitir Muji og er með fullt af sniðugum hirslum fyrir snyrtivörur (sjá hér). Þvílíkur draumur fyrir skipulagsperra eins og mig!

Annars langar mig mest af öllu í snyrtiborð með fallegum stól, spegli og góðri lýsingu. Helst með glærum toppi svo ég sjái allt dótið. Gerist alltof oft að ég noti ekki það sem lendir neðst í hrúgunni. Leiðinlegt þegar fallegir augnskuggar verða útundan. Eins og að gera upp á milli barnanna sinna hahah..






Muji hirslur þarna sýnist mér






Maður má nú láta sig dreyma...

  • -Kara